حلم الشروق

جيت في الزمن الجفاف
عشمان وبحلم بالخريف
اترجي في الغيم لو يقيف
يهطل مطر يتبدد العطش الاسيف
عارف الزمن ما موسم خريف
وعارف كمان انو الحياة
دوارة ما مكن تقيف
واصلو الحياة كوم تجارب
فيها بتعلم كل زول
ومن تجاربو يتمني لو
يصبح حريف
ولمن تفوت شمس المغيب
تتداري في الزمن الصعيب
والليل يخيم في الدروب
ويرحل بعيد حلم الشروق
يبقي الحلم مئوانا في
الليل الرهيب
يبقي الحلم زي قشة
للزول الغريق
ويبقي الصباح
مرسانا مهما
يكون بعيد
حتي البحر نجتازو
مهما يكون عميق
الا الحلم يفضل حلم
ومن المتاعب في الحياة
وكل الصعاب يتولد
الادب الرفيع
زي الدهب
يسطع بريق
من نارو
كل ما تهب شديد
وتبقي الحياة ياها الحياة
ويبقي الزمن ياهو الزمن
نمشيه مهاما يكون بعيد